Bangor yn codi i'r ail safle

Uwchgyngrhair Cymru Image copyright Not Specified

Mae tîm Bangor wedi codi i'r ail safle ar ôl eu buddugoliaeth gartre nos Fercher ac mae Castell-nedd wedi codi un safle i'r pedwerydd ar ôl iddyn nhw gael gêm gyfartal gartref yn erbyn y tîm sydd ar y brig.

Llwyddodd Bangor i sgorio ddwywaith ar Ffordd Farrar yn erbyn Airbus.

Dim ond dwy funud o'r gêm oedd wedi ei chwarae cyn i Chris Jones sgorio i Fangor.

Llwyddodd yr ymwelwyr i ddod yn gyfartal yn yr ail hanner wedi 54 munud wrth i Craig Whitfield sgorio.

Ond daeth Bangor yn ôl a sicrhau'r fuddugoliaeth wrth i Les Davies rwydo wedi 76 munud.

Daeth y ddwy gôl yn y gêm arall yn yr hanner cyntaf.

Craig Hughes yn rhoi'r tîm cartref ar y blaen cyn i Steve Evans sgorio wedi 33 munud i'r Seintiau.

Mae'r Seintiau yn parhau i fod ar frig y tabl.

Canlyniadau:

Nos Fercher

Bangor 2-1 Airbus

Castell-nedd 1-1 Y Seintiau Newydd

Tabl Uwchgynghrair Corbett Sports: Nos Fercher Tachwedd 9 2011.

Gemau Gwahaniaeth Goliau Pwyntiau
1.Y Seintiau Newydd 15 +21 36
2. Bangor 15 +12 32
3. Llanelli 15 +20 30
4. Castell-nedd 15 +14 28
5. Bala 15 +9 28
6. Prestatyn 15 +2 20
-----------------------------------------------------------------------------------------
7. Port Talbot 15 -4 18
8. Airbus UK Brychdyn 15 -8 13
9. Y Drenewydd 15 -20 13
10. Lido Afan 14 -12 11
11. Aberystwyth 14 -14 10
12. Caerfyrddin 15 -20 9

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.