Dod o hyd i gorff ar fynydd

Ysbyty Gwynedd, Bangor Image copyright (C) British Broadcasting Corporation
Image caption Aed ag e i Ysbyty Gwynedd, Bangor

Daethpwyd o hyd i gorff dyn ar Gader Idris, Gwynedd, fore Sul.

Roedd Christopher Currie yn 47 oed ac o Southampton.

Bu timau achub chwilio am Mr Currie ers nos Sadwrn ac fe gafodd y corff ei ddarganfod am 9am fore Sul.

Aed ag e i Ysbyty Gwynedd, Bangor, ond cyhoeddwyd ei fod wedi marw.

Y gred yw iddo gwympo pan oedd yn cerdded.