Noson wych i'r Scarlets a'r Gleision

Image copyright (C) British Broadcasting Corporation
Image caption Liam Williams sgoriodd gais gynta'r Scarlets

Seintiau Northampton 23 Scarlets 28

Enillodd y Scarlets eu hail gêm o'r bron yn grŵp A Cwpan Heineken gan sgorio pedair cais ac ennill pwynt bonws wrth iddynt guro Seintiau Northampton yng Ngerddi Franklin nos Wener.

Cafodd tîm Nigel Davies ddechrau arbennig i'r gêm pan sgoriodd y cefnwr Liam Williams gais gynta'r ornest ar ôl dim ond tair munud cyn i Rhys Priestland llwyddo gyda'r trosiad.

Ond Northampton a reolodd y gêm am yr ugain munud nesaf cyn i Ryan Lamb lwyddo gyda chic gosb.

Ond yn syth ar ôl i'r gêm ail ddechrau sgoriodd y Scarlets eu hail gais wedi ar ôl 22 munud o'r ornest er i gefnogwyr Northampton feddwl bod y bêl wedi cael ei fwrw ymlaen cyn i Aaron Shingler groesi'r llinell gan roi'r cyfle i Priestland lwyddo gyda'i ail drosiad.

Yn fuan wedi hynny llwyddodd Lamb i gicio'i ail gic cosb i gau'r bwlch rhwng y ddau dîm i wyth pwynt.

Ond sgoriodd George North toc cyn yr egwyl yn dilyn camgymeriad yn rhengoedd Northampton.

Ciciodd Priestland ei drydydd trosiad i sicrhau mantais o 21-9 i'r Scarlets wrth iddynt fynd mewn i'r ystafell wisgo.

Tarodd Northampton yn ôl yn ystod yr ail hanner wrth i'r eilydd George Pisi a Tom Wood sgorio cais yr un a dau drosiad ac un gic gosb gan Lamb.

Ond roedd cais a throsiad gan Priestland yn ddigon i sicrhau'r fuddugoliaeth i'r Scarlets.

Northampton: Ben Foden, Chris Ashton, Jon Clarke, James Downey, Vasily Artemyev, Ryan Lamb, Lee Dickson; Soane Tonga'uiha, Dylan Hartley [capt], Brian Mujati, Courtney Lawes, Mark Sorenson, Calum Clark, Tom Wood, Roger Wilson.

Eilyddion: Mike Haywood, Alex Waller, Paul Doran-Jones, Samu Manoa, Phil Dowson, Martin Roberts, Stephen Myler, George Pisi.

Scarlets: Liam Williams; George North, Scott Williams, Jon Davies, Sean Lamont, Rhys Priestland, Gareth Davies; Iestyn Thomas, Matthew Rees (capt), Rhys Thomas, Sione Timani, Damian Welch, Aaron Shingler, Johnathan Edwards, Ben Morgan.

Eilyddion: Ken Owens, Phil John, Rhodri Jones, Lou Reed, Matt Gilbert, Rhodri Williams, Stephen Jones, Daniel Evans.

Dyfarnwr: Mr Peter Fitzgibbon (Ireland)

Grŵp 1 Gemau Ennill Pwyntiau
Scarlets 2 2 9
Munster 1 1 4
Northampton 2 0 2
Cartres 1 0 0
Image copyright Other
Image caption Sgoriodd Lloyd Williams ail gais Y Gleision

Gleision 24 Gwyddelod yn Llundain 18

Enillodd y Gleision eu hail gêm o'r bron yn Grŵp B Cwpan Heineken er iddynt wneud gwaith caled ohoni yn erbyn tîm a chwaraeodd gyda 14 dyn am ran helaeth o'r ornest nos Wener.

Cafodd y Gleision ddechrau gwych i'r gêm gan fynd deg pwynt ar y blaen ar ôl dim ond wyth munud wedi i Dan Parks llwyddo gyda chic gosb cyn i'r bachwr Rhys Thomas sgorio cais gynta'r ornest a Parks yn llwyddo gyda'r trosiad.

Ond daeth eiliad tyngedfennol y gêm ar ôl 20 munud pan gafodd y Cymro Steve Shingler ei anfon o'r cae wedi iddo gyflawni tacl waywffon ar Dafydd Hewitt.

Er hynny ciciodd Shingler dair cic gosb mewn 13 munud i'r ymwelwyr cyn i Lloyd Williams sgorio ail gais y Gleision a llwyddodd Parks i gicio cic gosb arall.

Y sgôr ar ddiwedd yr hanner cyntaf oedd 18-9 i'r Gleision.

Ymestynodd Parks fantais y Gleision pan giciodd ei bedwaredd gic gosb ond llwyddodd Homer i gicio dwy gic gosb ei hun i dorri mantais y Gleision i un sgôr.

Er i'r Gwyddelod Irish frwydro'n galed am gais llwyddodd y Gleision i amddiffyn eu mantais tan chwiban ola'r gêm.

Gleision: Chris Czekaj; Alex Cuthbert, Casey Laulala, Dafydd Hewitt, Tom James; Dan Parks, Lloyd Williams; Gethin Jenkins, T Rhys Thomas, Taufa'ao Filise, Bradley Davies, Paul Tito (capt), Michael Paterson, Sam Warburton, Xavier Rush.

Eilyddion: Marc Breeze, John Yapp, Scott Andrews, Maama Molitika, Josh Navidi, Richie Rees, Ceri Sweeney, Gavin Evans.

Gwyddelod yn Llundain: Tom Homer; Topsy Ojo, Joe Ansbro, Steve Shingler, Adam Thompstone; Dan Bowden, Ross Samson; Clarke Dermody (capt), David Paice, Faan Rautenbach, Nick Kennedy, Matt Garvey, Declan Danaher, Richard Thorpe, Jebb Sinclair.

Eilyddion: James Buckland, Alex Corbisiero, Paulica Ion, James Sandford, Jamie Gibson, Jonathan Spratt, Adrian Jarvis, Paul Hodgson.

Dyfarnwr: Jerome Garces (France)

Grŵp 2 Gemau Ennill Pwyntiau
Caeredin 2 2 9
Y Gleision 2 2 8
Racing Metro 92 2 3 3
Gwyddelod yn Llundain 2 0 2

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.