Gwasanaeth fferi yn dod i ben

HSS Explorer Image copyright (C) British Broadcasting Corporation

Mae cwmni Stena Line wedi cyhoedd na fydd y gwasanaeth cyflym rhwng Abergwaun ac Iwerddon yn parhau.

Dywedodd y cwmni eu bod wedi gwerthu'r Stena Lynx III oedd yn teithio i Rosslare yn ystod misoedd yr haf.

Fe wnaeth llefarydd gadarnhau y bydd y gwasanaeth fferi yn parhau ddwywaith y dydd.

Mae'r gwasanaeth wedi elwa o waith £1 miliwn ar y fferi yn 2010.

Ym mis Awst cyhoeddodd y cwmni eu bod yn cyfyngu'r gwasanaeth cyflym rhwng Caergybi a Dun Laoghaire.

Bydd y gwasanaeth ond ar gael yn ystod misoedd yr haf.

Rhoddwyd y bai ar gostau tanwydd ac fe fydd yn cael effaith ar 88 o weithwyr.

Mae'r ddwy fferi draddodiadol yn rhedeg drwy'r flwyddyn o Gaergybi.

Fis diwethaf cyhoeddodd Stena gynlluniau i ddatblygu harbwr Abergwaun.

Roedd y cynlluniau yn cynnwys marina gyda 450 o angorfeydd.

Maen nhw hefyd yn gyfrifol am gynlluniau yng Nghaergybi.

Yn gynharach yn y mis daeth cyhoeddiad bod y gwasanaeth rhwng Abertawe a Cork yn dod i ben.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.