Wrecsam yn dychwelyd i'r brig

Clwb Pêl-droed Wrecsam Image copyright Other

Wrecsam 2 Darlington 1

Dychwelodd Wrecsam i frig Cynghrair Blue Square wedi iddynt guro Darlington mewn gêm gyffrous ar y Cae Ras nos Fercher.

Yr ymwelwyr sgoriodd gyntaf pan rwydodd Marc Bridge-Wilkinson gyda chic o'r smotyn ar ôl 35 munud wedi i Mark Creighton droseddu yn erbyn Ryan Bowman yn y cwrt cosbi

Methodd Wrecsam ddod yn gyfartal tan 12 munud cyn y chwiban olaf pan sgoriodd Adrian Cieslewicz.

Cipiodd Wrecsam y tri phwynt pan sgoriodd Jake Speight dair munud yn ddiweddarach gan ddisodli Fleetwood o frig yr adran.

Ymddiriedolaeth

Cafodd Wrecsam eu disodli o frig y Gynghrair gan Fleetwood wedi i'r tîm o Ogledd Orllewin Lloegr guro Kettering o dair gôl i ddim nos Fawrth.

Hon oedd gêm gyntaf Wrecsam o dan reolaeth Ymddiriedolaeth Cefnogwyr y Clwb.

Daeth cadarnhad fod Clwb Pêl-droed Wrecsam wedi cael eu trosglwyddo i'r ymddiriedolaeth ddydd Mawrth.

Wrecsam: Mayebi, Obeng, Ashton, Creighton, Westwood, Harris, Cieslewicz, Hunt, Clarke (Little 67), Wright, Morrell

Eilyddion: Maxwell, Clowes, Little, Moss, Speight

Darlington: Russell, Arnison, Miller, Lee, Chandler, Taylor, McReady, Rundle, Hopson, Bridge-Wilkinson, Bowman (Gray 70)

Eilyddion: Nixon, Reach, Atkinson, Sanchez-Munoz, Gray

Tabl Uwchgynghrair Blue Square Bet

Gemau Gwahaniaeth Goliau Pwyntiau
1. WRECSAM 22 22 47
2. Fleetwood 22 18 47
3. Southport 22 3 41
4. Caerefrog 22 20 40
5. Caergrawnt 22 12 39
-----------------------------------------------------------------------------------------
20. CASNEWYDD 22 -6 19
21. Stockport 22 -15 19
22.Hayes a Yeading 22 -18 17
23.Alfreton 22 -29 14
24. Caerfaddon 22 -22 10

Ar ôl gem nos Fercher, Tachwedd 30, 2011.

Straeon perthnasol