Gwrthdrawiad: A483 wedi ei chau

Map o'r ardal Image copyright bbc

Mae'r A483 wedi ei chau i'r ddau gyfeiriad yn dilyn gwrthdrawiad ym Mhowys.

Deellir fod car a beiciwr wedi bod mewn gwrthdrawiad ar y briffordd rhwng yr A458 Buttington Cross a'r B4393 Four Crosses.

Cafodd yr holl wasanaethau brys eu galw i'r digwyddiad.

Dywed Heddlu Dyfed Powys nad ydyn nhw mewn sefyllfa i gyhoeddi mwy o fanylion am y digwyddiad ar hyn o bryd, heblaw i ddweud fod tagfeydd hir yn datblygu i yrwyr sy'n teithio rhwng Y Trallwng a Llanymynech.