Petersen: Siom i Forgannwg

Alviro Petersen Image copyright Getty Images
Image caption Alviro Petersen yn dathlu sgorio 109 yn erbyn Sri Lanka

Mae tîm criced Morgannwg wedi cadarnhau na fydd Alviro Petersen yn dychwelyd i'r sir yn 2012.

Petersen oedd capten Morgannwg y llynedd, ac roedd sibrydion y gallai arwyddo i chwarae i'r sir am dymor arall.

Ond enillodd Petersen ei le yn nhîm De Affrica yn ddiweddar, ac mae BBC Cymru ar ddeall ei fod wedi ymrwymo i deithio gyda De Affrica i Loegr yn 2013.

Fe sgoriodd Petersen 109 yn ei gêm gyntaf yn ôl i Dde Affrica yn erbyn Sri Lanka.

Mae hynny'n gadael penderfyniad anodd i Forgannwg ynglŷn â recriwtio chwaraewr tramor arall wrth ystyried pencampwriaeth T20'r tymor nesaf.

Mae Marcus North o Awstralia eisoes wedi arwyddo cytundeb dwy flynedd fel eu prif chwaraewr tramor.

Sgoriodd Petersen dros 2,000 o rediadau yn 2011, gan gynnwys dros 1,000 ym Mhencampwriaeth y Siroedd, Adran 2.

Cafodd ei ddewis yn chwaraewr y flwyddyn gan ei gyd-chwaraewyr ar ddiwedd y tymor.

Mae mwyafrif carfan Morgannwg wedi dychwelyd i ymarferion cyn y tymor newydd, ac mae'r hyfforddwr Matthew Mott o Awstralia wedi dychwelyd i oruchwylio'r ymarferion.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.