Damwain reilffordd: Dyn wedi marw

Heddlu Image copyright (C) British Broadcasting Corporation
Image caption Dywedodd yr Heddlu Trafnidiaeth nad oedd amgylchiadau amheus.

Mae dyn wedi marw ar ôl i drên ei daro brynhawn Mawrth.

Cyhoeddwyd ei fod yn farw yn y fan a'r lle.

Roedd y ddamwain am 4.15pm yng Nghil-y-coed a'r trên oedd yr un i Nottingham adawodd Gaerdydd am 3.45pm.

Ar hyn o bryd does dim Trenau Cross Country rhwng Caerloyw a Chaerdydd ac mae gwasanaeth bws yn lle Trenau Arriva Cymru rhwng Cheltenham a Chaerdydd.

Dywedodd yr Heddlu Trafnidiaeth nad oedd amgylchiadau amheus.

"Mae ymchwiliad ar y gweill ac rydyn ni'n ceisio adnabod y corff," meddai llefarydd.

"Ar hyn o bryd mae ffeil yn cael ei pharatoi ar gyfer y crwner."