Scarlets yn colli yn Glasgow

RaboDirect Pro12 Image copyright Other

Glasgow 19-9 Scarlets

Fe enillodd y Scarlets yn erbyn Glasgow ym Mharc y Scarlets ddechrau'r flwyddyn, ond fe gafodd yr Albanwyr gyfle i ddial yn Firhill nos Iau.

Daeth unig gais y gêm yn yr hanner cyntaf wrth i Jon Welsh groesi i'r tîm cartref.

Trosodd Ruaridh Jackson y cais ac ychwanegu cic gosb i ateb un gan Dan Newton i'r ymwelwyr i'w gwneud hi'n 10-3 ar yr egwyl.

Siomedig oedd yr ail hanner i'r cefnogwyr yn oerni Glasgow, gyda Newton a Jackson yn cyfnewid ciciau cosb - dau yr un - cyn i Glasgow roi halen ar y briw.

Daeth gôl adlam hwyr gan Jackson â tri phwynt arall i'r tîm cartref, a gyda hynny doedd dim pwynt bonws i'r Scarlets wrth golli chwaith.

Bydd gweddill rhanbarthau Cymru yn chwarae nos Wener, ond fe gafodd Leinster fuddugoliaeth ysgubol nos Iau yn erbyn Treviso i agor bwlch anferth ar frig y tabl.

Mae buddugoliaeth Glasgow yn dod â nhw'n gyfartal ar bwyntiau gyda'r Gweilch.

Canlyniadau:-

Nos Iau:

Glasgow 19-9 Scarlets

Leinster 42-8 Treviso

Nos Wener:

Ulster v Dreigiau;

Gleision v Connacht;

Caeredin v Gweilch

TABL RABODIRECT PRO 12

Safle Gemau Enillwyd Cyfartal Pwyntiau Bonws Cyfanswm
1. Leinster 14 12 0 5 53
2. GWEILCH 13 9 1 1 39
3. Glasgow 14 8 2 3 39
4. SCARLETS 14 7 1 4 34
5. Munster 12 7 0 5 33
6. Ulster 13 7 0 3 31
7. GLEISION 12 6 0 7 31
8. Treviso 13 6 0 4 28
9. Caeredin 13 4 1 4 22
10. DREIGIAU 12 3 1 3 17
11. Connacht 13 3 0 5 17
12. Aironi 13 3 0 2 14

Ionawr 7 2012