Caerdydd ar daith i Gaerlŷr

Caerdydd Image copyright Not Specified

Mae rheolwr Caerdydd, Malky Mackay, yn gobeithio y bydd Filip Kiss a Mark Hudson ar gael ar gyfer gêm yr Adar Gleision yng Nghaerlŷr ddydd Sadwrn.

Nid yw Hudson wedi chwarae ers anafu ei goes yn y fuddugoliaeth yn erbyn Portsmouth ar Ionawr 21, ac roedd Kiss ar goll o'r tîm gollodd i Blackpool y penwythnos diwethaf.

Mae'n debyg y bydd Kevin McNaughton ar gael hefyd, er iddo adael y maes yn erbyn Blackpool gydag anaf, ond mae Darcy Blake yn gobeithio ennill ei le yn y tîm hefyd.

Fe allai Kadeem Harris wneud ei ymddangosiad cyntaf i'r clwb ar ôl trosglwyddiad o Wycombe Wanderers ym mis Ionawr.

Os fydd canlyniadau eraill yn mynd o'u plaid, fe allai buddugoliaeth i Gaerdydd eu codi i'r ddau safle uchaf yn y bencampwriaeth - y ddau sy'n esgyn i'r Uwchgynghrair yn awtomatig.

TABL Y BENCAMPWRIAETH

Gemau Gwahaniaeth Goliau Pwyntiau
1. West Ham 29 +16 56
2. Southampton 29 +20 52
3. Birmingham 29 +20 50
4. CAERDYDD 29 +13 50
5. Blackpool' 29 +12 48
6. Middlesboro 29 +3 47

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.