Damwain: Pump wedi'u hanafu

Cafodd pump o bobl eu hanafu yn dilyn damwain difrifol ger Caernarfon.

Digwyddodd y ddamwain ar ffordd annosbarthedig rhwng Bontnewydd a Rhostryfan yng Ngwynedd.

Yn ôl Gwasanaeth Tân ac Achub Gogledd Cymru roedd gwrthdrawiad rhwng tractor a dau gar toc wedi 6pm ddydd Gwener.

Cafodd tair injan dân eu hanfon i leoliad y gwrthdrawiad ond cafodd un ei galw nôl pan ddaeth i'r amlwg nad oedd angen torri unrhyw un yn rhydd.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.