Arestio dyn wedi gwrthdrawiad fan a thrên ger Llanbrynmair

Y fan ben i'w waered wedi'r gwrthdrawiad ar groesffordd ger Llanbrynmair Image copyright Other
Image caption Cafodd y gyrrwr ei ryddhau o'r fan ar ôl y gwrthdrawiad

Mae dyn 35 oed o Groesoswallt wedi ei arestio ar amheuaeth o beryglu diogelwch ar y rheilffordd wedi gwrthdrawiad rhwng fan a thrên.

Fe gafodd y dyn ei ryddhau ar fechnïaeth tan Fawrth 21.

Dydd Iau aed â gyrrwr fan i'r ysbyty gydag anafiadau i'w frest a'i wddf wedi'r gwrthdrawiad ar Groesffordd Pikins ger Llanbrynmair am 12.35pm.

Y trên oedd un Arriva Cymru 10.09am o Birmingham i Aberystwyth.

Disel

Bu'r cledrau ar gau tan 3.40pm a gwasanaeth bws yn cludo teithwyr trên rhwng Yr Amwythig a Machynlleth.

Roedd pedair injan dân, dwy o'r Drenewydd, un o Fachynlleth ac un o Lanidloes, wedi cael eu hanfon.

Bu'r diffoddwyr yn delio gydag olew disel wedi ei ollwng.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.