Caerdydd yn colli o 3-0 yn Ipswich

Michael Chopra ac Anthony Gerrard Image copyright Other
Image caption Michael Chopra, cyn-chwaraewr caerdydd, yn cysgodi'r bêl oddi wrth Anthony Gerrard

Ipswich 3-0 Caerdydd

Roedd dwy gôl gan Lee Martin ac un gan gyn-chwaraewr Caerdydd, Michael Chopra, yn ddigon i sicrhau buddugoliaeth am y pedwerydd tro yn olynol i Ipswich.

Dyma hefyd oedd y trydydd tro mewn pedair gêm i Gaerdydd golli.

Doedd hyn ddim y paratoad gorau i'r Adar Gleision a fydd yn wynebu Lerpwl yn rownd derfynol Cwpan Carling yn Wembley ar Chwefror 26.

Dyma oedd cweir mwya' Caerdydd y tymor yma.

Fe ddylai'r tîm cartref fod wedi bod lawr i 10 dyn wedi i golwr Ipswich, Arran Lee-Barrett weld cerdyn melyn wedi 8 munud am faglu Joe Mason.

Fe ddylai fod wedi cael cerdyn coch gan y dyfarnwr ac o bosib fe allai'r gêm fod wedi bod yn wahanol.

Ond roedd y canlyniad yn un teg am na wnaeth Caerdydd ddigon i rwystro'r goliau.

Roedd Ipswich ar y blaen o gôl i ddim ar yr egwyl wedi ergyd Martin wedi 21 munud.

Ond ychydig funudau wedi cychwyn yr ail hanner llwyddodd Chopra i ganfod cefn y rhwyd.

Daeth yr ergyd olaf gan Martin wedi 72 munud.

TABL Y BENCAMPWRIAETH

Gemau Gwahaniaeth Goliau Pwyntiau
1. Southampton 32 +26 59
2. West Ham 30 +16 57
3. Reading 31 +12 54
4. CAERDYDD 32 +11 53
5. Blackpool 31 +14 52
6. Birmingham 30 +20 51

Chwefror 18 2011

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.