Achub dynes wedi i'w char blymio i lawr llethr ger Y Bala

Mae dynes wedi ei hachub, ar ôl i'w char blymio i lawr llethr ar ffordd wledig yng Ngwynedd.

Fe ddigwyddodd y ddamwain ar yr A494 yng Nghefnddwysarn ger Y Bala toc cyn 9am ddydd Sul.

Yn ôl adroddiadau fe wnaeth y car blymio i lawr tua 15 troedfedd oddi ar yr A494.

Cafodd diffoddwyr tân o'r Bala a Chorwen eu galw i'r safle.

Does dim manylion am gyflwr y ddynes.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.