Meibion Speed a Bellamy yng ngharfan dan 16 oed Cymru

Ed Speed a Craig Bellamy Image copyright Other
Image caption Craig Bellamy gydag Ed Speed yn noson gêm goffa Gary Speed

Mae mab cyn-reolwr Cymru a mab un seren y tîm rhyngwladol yng ngharfan hyfforddi o dan 16 oed pêl-droed Cymru.

Cyfarwyddwr Technegol a Rheolwr y Tîm Bechgyn Dan 16 oed, Osian Roberts, sydd wedi dewis y 29 o chwaraewyr.

Mae Ed Speed yn fab y diweddar Gary Speed ac Ellis Bellamy yn fab Craig Bellamy.

Roedd Gary Speed a Craig Bellamy yn gyfeillion agos, yn chwarae dros Gymru gyda'i gilydd.

Dywedodd Roberts fod y ddau yn dangos "potensial cyffrous".

"Mae o'n union fel ei dad," meddai am Ed.

Cymorth

"Roedd 'na gêm cyn y Nadolig ac fe wnaeth o gymaint o gyfraniad. Mae'n fy atgoffa i gymaint o Gary.

"Gobeithio y bydd yn dalent eithriadol. Mae'n gwneud popeth yn iawn."

Ychwanegodd fod pêl-droediwr enwog o dad yn gallu bod o gymorth yn ogystal â bod yn fwrn ar yr ieuenctid.

"Mae'r disgwyliadau a'r pwysau gymaint yn fwy," meddai.

"Ond o ran Ellis ac Ed, maen nhw'n delio gyda'r cyfan yn dda iawn, maen nhw'n ddynion ifanc aeddfed ac mae eu hagwedd yn wych.

"Does 'na ddim rheol yn dweud os yw'ch tad yn chwaraewr arbennig y dylech chi fod hefyd ond mae cael rhywun sydd wedi bod drwy'r system o fantais."

Ym mis Chwefror fe wnaeth Ed a'i frawd Tommy arwain tîm Cymru allan gyda Bellamy ar gyfer gêm goffa Gary Speed yn erbyn Costa Rica yn Stadiwm Dinas Caerdydd.

Fe wnaethon nhw gyfarfod â'r tîm wedi i Costa Rica ennill o 1-0 a dywedodd y rheolwr newydd, Chris Coleman, y byddai eu tad yn "falch ohonyn nhw".

Fe fydd y garfan yn ymgynnull ar gyfer gwersyll hyfforddi pedwar diwrnod yng Nghaerdydd yr wythnos nesaf.

Y garfan:

Luke Pilling - CPD Tranmere Rovers

Keighan Jones - Dim clwb

Joseph Massaro - CPD Dinas Caerdydd

Ioan Evans - CPD Sheffield United

James Graham - CPD Everton FC

Aaron Davies - CPD Bristol City

Cian Harries - CPD Coventry

Shane Parry - CPD Dinas Caerdydd

Rollin Menayese - CPD Dinas Caerdydd

Dylan Thomas - CPD Dinas Abertawe

Tom Pearson - CPD Dinas Caerdydd

Lloyd Humphries - CPD Dinas Caerdydd

Charly Edge - CPD Everton

Joe McNulty - CPD Bristol City

Edward Speed - CPD Wrecsam

Corrig McGonigle - Dim clwb

Alex Penny - CPD Hull

Daniel James - CPD Hull

Elijah Phipps - CPD Dinas Caerdydd

Harry Wilson - CPD Lerpwl

Joseff Morrell - CPD Bristol City

William Abbots - CPD Bolton Wanderers

Chris Whittaker - CPD Wrecsam

Ellis Bellamy - CPD Dinas Caerdydd

Clive Smith - CPD Manchester City

Ryan Vos - CPD Dordrecht

Tom Lowrey - CPD Crewe Alexander

Joe Pugh - CPD Hull

Nyasha Mwamuka - CPD Yr Amwythig

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.