Triniaeth ysbyty i fam a phlentyn wedi tân mewn fflat

Mae mam a'i phlentyn wedi cael eu cludo i'r ysbyty ar ôl tân mewn fflat ail lawr yng Nghasnewydd.

Cafodd y gwasanaeth tân eu galw i stad Old Barn yn ardal Sain Silian tua 6.30pm nos Iau.

Cafodd y fam a'r plentyn eu cludo i Ysbyty Brenhinol Gwent yn diodde' o effeithiau anadlu mwg.

Yn ôl diffoddwyr roedd y tân wedi cychwyn yn ddamweiniol.

Cafodd diffoddwyr o Maendy a Malpas eu hanfon i'r digwyddiad.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.