Warburton yn obeithiol

Sam Warburton Image copyright Huw Evans picture agency
Image caption Dim ond dwy gêm y mae Sam Warburton wedi chwarae i Gymru ers Cwpan y Byd

Mae hyfforddwyr Cymru yn ffyddiog y bydd y capten Sam Warburton yn holliach i wynebu Ffrainc ddydd Sadwrn yn Stadiwm y Mileniwm.

Oherwydd anaf ni chwaraeodd y blaenasgellwr ym muddugoliaeth Cymru o 24-3 yn erbyn yr Eidal.

"Mae newyddion ynglŷn â Sam yn galonogol iawn," meddai Robin McBryde, hyfforddwr blaenwyr Cymru.

"Mae o wedi bod yn rhedeg yr wythnos hon ac mae o wedi bod yn ymarfer mewn llinellau syth ond yr wythnos hon bydd o'n dechrau ochr gamu a gobeithio na fydd yn cael unrhyw adwaith i hynny."

Ddydd Sul ym Mharis fe wnaeth Lloegr guro Ffrainc 24-22.

Mae'r canlyniad yn golygu mai dim ond Cymru neu Loegr sy'n gallu ennill y bencampwriaeth.

Pe bai Cymru yn curo Ffrainc yn Stadiwm y Mileniwm yna nhw fydd y cipio'r bencampwriaeth gan gwblhau'r gamp lawn.

TABL Y CHWE GWLAD 2012
Chwarae Ennill Cyfartal Pwyntiau
Cymru 4 4 0 8
Lloegr 4 3 0 6
Iwerddon 4 2 1 5
Ffrainc 4 2 1 5
Yr Alban 3 0 0 0
Yr Eidal 3 0 0 0

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.