Damwain rhwng dau gar a thractor

Map o ardal Pwllheli Image copyright (C) British Broadcasting Corporation
Image caption Mae parafeddygon yn dal i roi triniaeth i fenyw ger safle'r ddamwain

Mae dyn wedi ei gludo mewn hofrennydd i Ysbyty Gwynedd yn dilyn damwain ffordd ger Pwllheli ddydd Gwener.

Dywed y gwasanaethau brys fod ffordd yr A499 ar gau i'r ddau gyfeiriad ger Pwllheli rhwng ffordd yr A497 a ffordd y B4413 yn Llanbedrog.

Mae'n ymddangos bod dau gar a thractor wedi taro yn erbyn ei gilydd.

Mae parafeddygon yn dal i roi triniaeth i fenyw ger safle'r ddamwain.

Nid yw'n glir pa mor ddifrifol yw eu hanafiadau ar hyn o bryd ond y gred yw nad ydynt yn peryglu eu bywydau.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.