Damwain farwol: Cyhuddo dyn

Wreckage of Mitsubishi on the A55 Image copyright BBC news grab
Image caption Roedd ffordd orllewinol yr A55 ar gau am gyfnod hir ddydd Sul

Mae dyn 27 oed o Lannau Dyfrdwy wedi cael ei gyhuddo o achosi marwolaeth drwy yrru'n beryglus ar ôl damwain farwol ar yr A55 ddydd Sul.

Bydd David Michael Doherty o Queensferry yn ymddangos ger bron llys ynadon ddydd Gwener.

Bu farw James Loveridge, 38 oed o Elton, Swydd Caer yn y ddamwain ger Abergwyngregyn ac anafwyd tri arall yn ddifrifol.

Bu Mitsubishi Shogun a fan Renault Master mewn gwrthdrawiad ar y lon orllewinol.

Roedd Mr Loveridge yn teithio yn y Mitsubishi a bu farw wrth safle'r ddamwain.

Mae dau berson arall oedd yn teithio yn y Mitsubishi yn yr ysbyty gydag anafiadau difrifol.

Roedd angen triniaeth ar un person arall oedd yn teithio yn y Mitsubishi.

Mae gyrrwr y fan yn parhau mewn cyflwr hynod ddifrifol ac mae'n derbyn triniaeth ar gyfer anafiadau i'w ben a'i wddf.

Straeon perthnasol