Carreg wedi ei ddwyn o eglwys

Carreg Eglwys San Nicholas, Y Fenni Image copyright Other
Image caption Roedd y garreg â cherfiadau nodedig arni

Mae Heddlu Gwent yn apelio am wybodaeth ar ôl i garreg addurnol o'r 13eg Ganrif gael ei dwyn o eglwys.

Aed â'r garreg nodedig o alcof yn Eglwys San Nicholas yn Y Grysmwnt, Y Fenni unai ddydd Mawrth neu ddydd Mercher.

Mae 'na gerfiadau o'r Forwyn Fair a phlentyn a'r Groes ar y garreg.

Roedd y garreg wedi ei diogelu ar stand metel sydd hefyd wedi ei ddwyn.

Os oes gan unrhyw un wybodaeth neu a welodd unrhyw beth amheus fe ddylen nhw gysylltu gyda'r heddlu ar 101 neu Taclo'r Tacle yn ddienw ar 0800 555 111.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.