Gêm gyfartal i Wrecsam a Chasnewydd yn ennill

Image copyright bbc

Caergrawnt 1-1 Wrecsam

Casnewydd 1-0 Gateshead

Fe wnaeth Wrecsam ildio rhagor o dir ar frig Uwchgynghrair Blue Square.

Gêm gyfartal gafodd y Dregiau ar ôl teithio i Gaergrawnt.

Fe enillodd Fleetwood, sydd ar frig y gynghrair eto.

Mae Wrecsam wyth pwynt y tu ôl iddyn nhw.

Daeth gôl Robert Ogelby wedi 90 munud i roi pwynt pwysig i Wrecsam.

Roedd Caergrawnt wedi mynd ar y blaen wedi 48 munud gyda gôl gan Tom Shaw.

Buddugoliaeth

Mae gan Wrecsam gêm mewn llaw.

Cafodd Casnewydd fuddugoliaeth adref ar ôl curo Gateshead o gôl i ddim.

Ryan Charles gafodd y gôl.

Mae'r fuddugoliaeth yn rhoi hwb i Gasnewydd aros yn y Gynghrair y tymor nesaf.

Roedd Gateshead lawr i 10 dyn ar ôl i Carl Magnay gael ei anfon oddi ar y cae wedi 41 munud wedi penderfyniad dadleuol a hynny ar ei ymddangosiad cyntaf.

TABL UWCHGYNGHRAIR BLUE SQUARE BET
Gemau Gwahaniaeth Goliau Pwyntiau
1. Fleetwood 41 +57 98
2. WRECSAM 40 +50 90
3. Mansfield 41 +28 74
4. Efrog 39 +33 70
5. Southport 41 +3 70
-----------------------------------------------------------------------------------------
18.Telford 41 -17 41
19.Stockport 41 -22 41
20.CASNEWYDD 38 -10 38
21.Hayes 41 -28 37
22.Darlington 40 -21 30
23.Kettering 41 -48 29
24.Caerfaddon 41 -46 24

Mawrth 31 2012