Achub saith ar ôl i gwch daro creigiau

Y llong ger Bae Colwyn Image copyright Simon Cotton / View Creative
Image caption Y llong ger Bae Colwyn

Fe gafodd saith o bobl eu hachub ar ôl i long o'r Almaen oedd yn cario carreg galch daro'r creigiau oddi ar arfordir y gogledd nos Fawrth.

Mae 'na bryder y gallai olew lifo i'r môr ar ôl i'r llong gargo fynd i drafferthion oddi ar arfordir Llanddulas ger Bae Colwyn.

Cafodd dau fad achub a hofrennydd eu galw am 8.30pm nos Fawrth wedi i'r cwch daro craig ger glanfa.

Dywedodd Sefydliad y Badau Achub fod saith o Bwyliaid arni.

Cafodd lôn ddwyreiniol yr A55 ei chau rhwng cyffordd 22 a chyffordd 23 am 10pm nos Fawrth fel bod modd i hofrennydd lanio.

Y gred yw bod y cwch yn defnyddio'r lanfa i lwytho calchfaen.

Cafodd badau achub Llandudno a'r Rhyl eu lansio yng nghanol "storm a môr garw" am 8.30pm a chyrhaeddon nhw'r lanfa am 9pm.

Mae ymchwiliad ar y gweill gan yr Adran Drafnidiaeth.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.