Stephen Jones allan o dim y Barbariaid i wynebu Cymru

Stephen Jones yng nghyrs Cymru yn wynebu'r Barbariaid yn 2011 Image copyright Huw Evans picture agency
Image caption Stephen Jones yng nghyrs Cymru yn wynebu'r Barbariaid yn 2011

Mae'r chwaraewr sydd wedi ennill y mwya' o gapiau dros Gymru wedi ei anafu a fydd o ddim yn wynebu ei wlad yn nhîm y Barbariaid yng Nghaerdydd ar Fehefin 2.

Roedd y Barbariaid wedi gobeithio y byddai Stephen Jones yn y garfan ac yn ail-ymuno gyda'i gynbartner rhyngwladol Dwyane Peel.

Ond mae anafiadau wedi taro'r ddau chwaraewr.

Yr unig Gymry fydd yng ngharfan yr ymwelwyr i wynebu Cymru fydd Shane Williams a Duncan Jones.

Un arall sydd wedi ei anafu ac allan o garfan y Barbariaid yw Schalk Brits o'r Saracens.

Mae'r ymwelwyr wedi ychwanegu Casey Laulala, Mark Chisholm a Cornelius van Zyl i'r garfan.

Fe fydd y Barbariaid yn wynebu Lloegr ar Fai 27 ac Iwerddon yng Nghaerlŷr ar Fai 29 cyn teithio i Gaerdydd.

Fe fydd chwaraewyr Cymru yn ennill capiau am chwarae yn y gêm, yn wahanol i chwaraewyr Lloegr ac Iwerddon.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.