Cymry Llundain yn bencampwyr

Hudson Tonga'uiha yn cael ei daclo
Image caption Hudson Tonga'uiha sgoriodd gais cyntaf yr Alltudion nos Fercher

Cymry Llundain(6) 29- 20 (13) Môrladron Cernyw

Enillodd Cymry Llundain Bencampwriaeth Undeb Rygbi Lloegr gan guro Môrladron Cernyw 66-41 ar gyfanswm dros ddau gymal nos Fercher.

Ond mae eu gobeithion am ddyrchafiad i Uwch Gynghrair Lloegr dal yn y fantol.

Roedd yr Alltudion wedi dweud y byddant yn rhannu Stadiwm Kassam gyda thîm pêl-droed Rhydychen pe baent yn cael eu dyrchafu - ond doedd hynny ddim yn ddigon da i Undeb Rygbi Lloegr.

Cyhoeddodd yr undeb na fydd yr Alltudion yn cael esgyn o'r Bencampwriaeth oherwydd nad yw'r clwb wedi cyrraedd y safonau angenrheidiol i chwarae yng Nghynghrair Aviva.

Mae Cymry Llundain yn apelio ynghylch y penderfyniad hwn.

Cyn gêm nos Fercher dywedodd Llywydd y clwb, John Dawes, y byddai cadeirydd Cymry Llundain, Bleddyn Phillips, yn cymryd y "camau eithaf" i sicrhau y byddai'r Alltudion yn cael eu dyrchafu.

Nos Fercher fe wnaeth yr Alltudion ennill ail gymal y gemau ail gyfle yn erbyn Môrladron Cernyw 29-20 ar ôl curo eu gwrthwynebwyr oddi cartref 37-20 nos Fercher diwethaf.

Cymry Llundain

Cais: Tonga'uiha, Moates

Trosgais: Davies 2

Cig gosb: Davies 5

Môrladron

Cais: Evans, Storer

Trosgais: Cook (2)

Cig gosb: Cook

Gôl Adlam: Penberthy

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.