Cantores - ac awdur - yn lansio albwm newydd yng Ngŵyl y Gelli.

Fflur Dafydd Image copyright (C) British Broadcasting Corporation
Image caption Fflur Dafydd: Yn edrych ymlaen at berfformio gyda Cerys Matthews

Mae Gŵyl Lyfrau'r Gelli yn dechrau ar Fai 31 ac yn denu sêr o fyd llenyddiaeth, comedi a cherddoriaeth.

Ers 25 mlynedd mae'r dref, sy'n enwog am ei siopau llyfrau, wedi croesawu awduron enwog.

Dywedodd y gantores a'r awdur Fflur Dafydd, sy'n lansio ei halbwm newydd yn yr ŵyl, ei bod yn gobeithio y byddai cynulleidfa newydd yn darganfod ei cherddoriaeth.

"Gan fod yr ŵyl yn un ryngwladol, Saesneg yw'r brif iaith," meddai.

Ymhlith y rhai sy'n ymddangos eleni mae Terry Pratchett, Lionel Shriver, Salman Rushdie, Martin Amis, Victoria Hislop ac Ian McEwan.

Mae Hilary Mantel, a enillodd wobr lenyddol Booker yn 2009, yn lansio ei nofel newydd.

'Yn rhan ohoni'

"Felly bydd hi'n neis bod y Gymraeg yn cael bod yn rhan ohoni.

"Bydd lot o bobl yn clywed Cymraeg yn cael ei chanu am y tro cynta a falle ei bod yn haws i'r iaith 'ddod i mewn' drwy'r gerddoriaeth.

Image copyright AP/PA
Image caption Mae enwogion o fyd llenyddiaeth a cherddoriaeth yn yn yr ŵyl

"Mae'n bosib mwynhau'r gerddoriaeth hyd yn oed os nad wyt ti'n deall y geiriau."

Dywedodd ei bod hi'n edrych ymlaen at berfformio gyda Cerys Matthews.

'Amrywiaeth'

"Mae'n dda bod artistiaid benywaidd yn cael cyfle i gynrychioli diwylliant Cymraeg," meddai.

"Ac mae'n dda dangos amrywiaeth y pethau sy'n mynd ymlaen yng Nghymru."

Bydd ei halbwm, Ffydd, gobaith, cariad, yn cael ei lansio ar Fehefin 4.

Mae'r Cyngor Llyfrau wedi trefnu nifer o ddigwyddiadau a bydd yr Athro M Wynn Thomas yn ei holi am ysgrifennu mewn dwy iaith.

Bydd Gŵyl y Gelli yn gorffen ar Fehefin 10.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.