Cytundeb £4m: Cwmni o'r canolbarth yn cyflenwi Renault

Ffatri ceir (cyffredinol) Image copyright Getty Images
Image caption Dywedodd y cwmni fod y cytundeb yn 'gam mawr ymlaen'

Bydd cytundeb £4m â chwmni Ffrengig yn diogelu 50 o swyddi mewn dwy ffatri.

Trax J H fydd yn cyflenwi cydrannau ceir i Renault ac yn diogelu swyddi yn Y Trallwng a'r Drenewydd.

Bydd cydrannau ar gyfer ceir Renault a Dacia wedi eu cynhyrchu yn Ffrainc, Sbaen, Rwsia, Slofenia, Twrci, India, Columbia, Brasil a'r Ariannin.

Allforion yw mwy na 70% o gynnyrch y cwmni, y rhan fwyaf i Ewrop.

'Cam mawr ymlaen'

Dywedodd y cwmni fod y cytundeb yn "gam mawr ymlaen" a bod cytundebau eraill "ar y gweill".

Serch hynny, meddai, roedd y cyfnod economaidd anodd wedi effeithio ar werthu cynnyrch.

"Rydym yn arbennig o falch y byddwn ni'n cyflenwi marchnadoedd Brasil, Rwsia a'r India lle mae mwy o geir wedi cael ei werthu ers ychydig o flynyddoedd," meddai'r rheolwr gyfarwyddwr, John Hallé.

"Mae'r cwmni wedi cael ei sefydlu yn y canolbarth ers 20 mlynedd.

"Rydym yn ddiolchgar i HSBC a Chyllid Cymru sy wedi ein cefnogi ni'n ariannol."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.