Caerdydd: Coch nid glas?

Chwaraewyr Caerdydd Image copyright Wales News Service
Image caption A fydd angen newid lliwiau'r tîm er mwyn cael buddsoddiad?

Mae disgwyl i Glwb Pêl-droed Caerdydd ddatgelu cynlluniau am fuddsoddiad ac ail-frandio fore Mercher.

Mae aelodau o Fwrdd Clwb Pêl-droed Caerdydd wedi cwrdd â'r cadeirydd Dato Chan Tien Ghee, er mwyn trafod dyfodol y clwb.

Trafodwyd unwaith eto gynlluniau i'r tîm chwarae mewn coch, ac i fabwysiadu logo newydd sef y ddraig.

Roedd wedi ymddangos i'r cynlluniau gael eu gollwng ym mis Mai pan gythruddwyd rhai cefnogwyr.

Mae disgwyl i'r clwb gyfleu syniadau gan y gwŷr busnes o Falaysia sydd wedi buddsoddi yn y clwb.

Un o'r prif fuddsoddwyr o Falasia yw Vincent Tan.

Roedd e wedi bod yn sôn am fuddsoddiad gwerth miliynau o bunnoedd, ond byddai'n rhaid hefyd i'r clwb newid.

Cynhesrwydd

Ym mis Mai dywedodd Tien Ghee: "Rwyf am ailadrodd fod yna ymroddiad a chynhesrwydd i'r clwb yma oddi wrthyf i a Tan Sri Vincent Tan.

"Y clwb yma a'r cefnogwyr yw ein blaenoriaeth ac rydym yn gobeithio cwblhau pethau yn fuan, a hynny gyda'r canlyniad gorau posib.

"Rwyf yn dymuno diolch i'r rhai sy wedi anfon neges o gefnogaeth, unai yn uniongyrchol neu drwy' clwb."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.