Dod o hyd i leidr oedd wedi dianc o garchar Prescoed

William Philip Goldie Image copyright Heddlu Gwent
Image caption Roedd yr heddlu'n chwilio am William Philip Goldie wedi iddo adael y carchar agored ddydd Mercher

Mae'r heddlu wedi arestio dyn 22 oed oedd wedi dianc o garchar Prescoed ger Brynbuga, Sir Fynwy.

Cafwyd hyd i William Philip Goldie yn Sir Gaerloyw.

Roedd wedi ei ddedfrydu i 30 mis yn y carchar am feddu ar gyffuriau rheoledig gyda'r bwriad o gyflenwi.

Roedd yr heddlu wedi dweud y gallai achosi perygl i'r cyhoedd.

Torri trwydded

Yn y cyfamser mae Heddlu De Cymru yn apelio am wybodaeth am ddyn 33 oed.

Image copyright Heddlu De Cymru
Image caption Mae Jonathan Wayne Finch wedi torri amodau ei drwydded

Cafodd Jonathan Wayne Finch o ardal Y Strand yn Abertawe ei ryddhau o'r carchar ar drwydded.

Dywedodd yr heddlu ei fod wedi torri'r amodau.

Mae'n 5 troedfedd 4 modfedd o daldra, yn denau, a chanddo wallt byr du a llygaid brown.

Os oes gan unrhyw un wybodaeth, fe ddylai gysylltu gyda'r heddlu yn lleol ar 101 neu Taclo'r Tacle ar 0800 555 111.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.