Pedwar newid i dîm Cymru

Clo Cymru Alun Wyn Jones Image copyright Huw Evans picture agency
Image caption Mae perfformiad Alun Wyn Jones nos Fawrth wedi ennill lle yn y tîm prawf

Mae'r hyfforddwr Rob Howley wedi gwneud pedwar newid yn nhîm Cymru i'r un gollodd y prawf cyntaf yn erbyn Awstralia ddydd Sadwrn diwethaf.

Ymysg y blaenwyr y mae tri o'r newidiadau.

Bydd Matthew Rees yn dychwelyd i'r rheng flaen yn lle Ken Owens, sydd ddim yn cael lle ar y fainc hyd yn oed.

Yn yr ail reng, bydd Alun Wyn Jones yn dod i mewn i gymryd lle Luke Charteris wedi iddo fod yn gapten ar y pymtheg enillodd eu gêm ganol wythnos yn erbyn ACT Brumbies.

Yn dilyn anaf Toby Faletau, sydd eisoes wedi dychwelyd i Gymru wedi iddo dorri asgwrn yn ei law, bydd Ryan Jones yn dod i mewn i'r rheng ôl.

Yr unig newid ymysg yr olwyr yw bod Ashley Beck yn ennill ei ail gap yn y canol yn lle Scott Williams.

'Profiadol'

Dywedodd Howley: "Rydym wedi dewis tri chwaraewr profiadol iawn i'r pac gan i'r tri greu argraff wrth ddod o'r fainc yn y prawf cyntaf sydd wedi cyfiawnhau eu cynnwys ar ddechrau'r ail brawf.

"Nos Fawrth fe wnaeth perfformiadau Ashley Beck, Justin Tipuric, Richard Hibbard a Rhys Webb ddal y sylw, ac maen nhw'n haeddu eu lle yn y garfan.

"Ar ôl dwy gêm yn Awstralia, rydym wedi ymgynefino bellach ac yn barod am her enfawr arall ddydd Sadwrn yn Melbourne."

Tîm Cymru v. Awstralia - Ail Brawf: Stadiwm Etihad, Melbourne: Dydd Sadwrn Mehefin 16 :-

Olwyr -

15. Leigh Halfpenny

14. Alex Cuthbert

13. Jonathan Davies

12. Ashley Beck

11. George North

10. Rhys Priestland

9. Mike Phillips

Blaenwyr -

1. Gethin Jenkins

2. Matthew Rees

3. Adam Jones

4. Bradley Davies

5. Alun Wyn-Jones

6. Dan Lydiate

7. Sam Warburton (capten)

8. Ryan Jones

Eilyddion :- Richard Hibbard, Paul James, Luke Charteris, Justin Tipuric, Rhys Webb, James Hook, Scott Williams.

Straeon perthnasol