Morgannwg yn ennill y 20/20 er y glaw

Logo Morgannwg Image copyright Other

Curodd Morgannwg Swydd Warwick o bum rhediad trwy ddull Duckworth-Lewis yng nghystadleuaeth 20/20 Friends Life yn Stadiwm Swalec, Caerdydd nos Sul.

Cafodd y gêm ei chwtogi i 18 pelawd yr un ar ôl i law amharu ar fatiad yr ymwelwyr.

Sgoriodd Swydd Warwick 141 am 5 wiced ar ôl i Darren Maddy (49) a Varun Chopra (53) ychwanegu 91 rhediad am y drydedd wiced.

Bowliwr gorau Morgannwg oedd Dean Cosker a gipiodd ddwy wiced am 23 rhediad oddi ar bedair pelawd.

Sgoriodd Morgannwg 62 am un wiced oddi ar 8 pelawd gyda Shaun Marsh (30) a Jim Allenby (24) yn rhannu 48 am yr ail wiced cyn i law roi'r gorau i'r chwarae.

Oherwydd hynny bu'n rhaid dibynnu ar reolau Duckworth-Lewis gyda Morgannwg yn ennill o bum rhediad.

Swydd Warwick - 141 am 5 (18 pelawd)

Morgannwg - 62 am 1 (8 pelawd, targed 57)

Morgannwgyn fuddugol o 5 rhediad trwy ddull Duckworth-Lewis

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.