Ymchwiliad i dân yn Ysgol Gynradd Betws

safle'r tân Image copyright BBC/Guto Orwig
Image caption Bu raid i gannoedd o ddisgyblion a staff adael y safle.

Mae ymchwiliad ar y gweill i "dân difrifol" ddinistriodd floc adran fabanod ysgol gynradd brynhawn Mawrth.

Chafodd neb ei anafu.

Bu raid i gannoedd o ddisgyblion a staff adael y safle.

Aeth tri chriw o ddiffoddwyr i Ysgol Gynradd Betws yn Llangeinor ger Pen-y-bont ar Ogwr ar ôl galwad am 2:30pm.

'Sydyn'

Ar y pryd dywedodd y gwasanaeth tân y dylai pobl leol gadw drysau a ffenestri ar gau.

Nos Fawrth canmolodd y cyngor "ymateb sydyn" y staff a'r gwasanaethau brys.

Dywedodd llefarydd y byddai'r cyngor, yr heddlu a'r gwasanaeth tân yn ymchwilio.

"Mae staff yr ysgol a swyddogion y cyngor yn trefnu cefnogaeth ar gyfer y plant sydd ei hangen."

Byddai'r ysgol, ar wahân i adnodd Flying Start, ar agor ddydd Mercher, meddai.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.