Damwain rhwng dau gar a bws

Damwain Image copyright Not Specified
Image caption Mae'r heddlu'n apelio am dystion i'r ddamwain

Mae un person wedi ei gludo i'r ysbyty gydag anafiadau i'w gefn oherwydd gwrthdrawiad rhwng dau gar a bws yn Nantgarw, Rhondda Cynon Taf, fore Mercher.

Cafodd criwiau Gwasanaeth Tân ac Achub De Cymru o Gaerffili a Phontypridd eu galw oherwydd y ddamwain ar yr A4054 yn Heol Caerdydd, Nantgarw, am 9.30am.

Bu'n rhaid defnyddio offer arbenigol i dorri'r person yn rhydd o'r car.

Mae'r heddlu'n apelio am dystion.

Dylai unrhyw un â gwybodaeth am y ddamwain ffonio'r heddlu ar 101.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.