Arestio dyn ar amheuaeth o achosi ffrwgwd yn Aberystwyth

Mae Heddlu Dyfed-Powys wedi arestio dyn 50 oed ar amheuaeth o achosi ffrwgwd yn dilyn digwyddiad wnaeth para ddwy awr yn Aberystwyth.

Cafodd yr heddlu eu galw i dŷ teras yn Stryd Portland yng nghanol y dref tua 3.20pm ddydd Iau.

Cafodd strydoedd yng nghanol y dref eu cau am gyfnod ond fe gawson nhw eu hail agor wedi i'r dyn gael ei arestio tua 5pm.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.