Dechrau glanhau wedi llifogydd

Front garden at Kerry, near Newtown Image copyright Jonathan Down
Image caption Diffoddwyr yn pwmpio dŵr o ardd ym mhentref Ceri ger y Drenewydd

Mae trigolion mewn rhannau o Bowys yn dechrau'r gwaith glanhau wedi i law trwm nos Wener achosi llifogydd yn eu cartrefi.

Cafodd y Gwasanaeth Tân eu galw i Park Avenue yn Ceri ger y Drenewydd wedi i ddŵr lifo i bum tŷ yno nos Wener.

Roedd digwyddiadau eraill yn ardaloedd Ffordun, Trefyclo, Llanfyllin a Threfaldwyn.

Mae rhybuddion gan y Swyddfa Dywydd am law trwm mewn rhannau o ddwyrain Powys yn parhau, ac mae disgwyl tywydd drwg hefyd yn ne-ddwyrain Cymru ddydd Sadwrn.

Daeth adroddiadau am lifogydd hefyd yn Nhreffynnon, Sir y Fflint nos Wener wrth i griw o ddiffoddwyr dreulio dwy awr yn pwmpio dŵr o ffordd yno.

Er hynny mae Asiantaeth yr Amgylchedd wedi israddio rhybuddion am lifogydd yn afonydd Fyrnwy, Tanat, Cain a'u hisafnoydd; afonydd Llynfi ac Ogwr; Afon Ewenni a gorllewin Bro Morgannwg.

Daw'r digwyddiadau diweddaraf yn dilyn wythnosau o dywydd gwlyb a welodd lawer o ddifrod yng Ngheredigion fis diwethaf.

Bu'r Tywysog Charles yn cwrdd gyda rhai a ddioddefodd yn y llifogydd yr wythnos ddiwethaf, ac yn siarad gyda'r gwasanaethau brys fu'n cynorthwyo gdyag ymgyrch i achub pobl o'r llifogydd yno.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.