Y Gemau Olympaidd yn cael blaenoriaeth un cwmni ffôn symudol

Mast
Image caption Mae'r mast yn rhoi hwb i ddefnyddwyr ffôn

Mae'r Gemau Olympaidd yn cael effaith ar ddarpariaeth signal ffôn i gwsmeriaid Vodafone ym Mro Morgannwg.

Dywedodd trefnwyr yr Eisteddfod eu bod yn ymwybodol bod y signal i gwsmeriaid Vodafone yn wan.

"Fel sy'n arferol fe wnaeth yr Eisteddfod gysylltu gyda'r cwmni i ofyn am well darpariaeth," meddai llefarydd ar ran yr Eisteddfod.

"Mae'r haf hwn yn brysur i'r cwmni, sy'n un o brif bartneriaid y Gemau Olympaidd ac maen nhw wedi rhoi blaenoriaeth i ddarparu gwasanaeth yn Llundain ar hyn o bryd.

"Oherwydd hyn dydi'r ddarpariaeth ddim wedi gwella i gwsmeriaid oherwydd diffyg adnoddau'r cwmni ffôn.

Mae cwmni Orange wedi darparu mast arbennig ar Y Maes.

Dywedodd trefnwyr yr Eisteddfod fod modd derbyn data, e-byst a chysylltiad gwe drwy wasanaeth diwifr sydd wedi ei ddatblygu gan gwmni Ethnet neu Kinnect Broadband.

Mae'r ddarpariaeth yma ar gael ar y Maes, y Maes Carafanau a'r Maes Ieuenctid.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.