Lori olew wedi troi drosodd ar yr A48

Mae lori yn cludo gwastraff olew wedi troi drosodd ar yr A48 yng Nghasnewydd.

Cafodd y gwasanaethau brys eu galw i'r digwyddiad toc cyn 7.50am ddydd Llun.

Roedd 'na adroddiadau cynnar bod y cerbyd ar dân.

Cafodd 14 o gerbydau Gwasanaeth Tân ac Achub De Cymru eu hanfon i'r lleoliad.

Roedd y gwasanaeth ambiwlans, yr heddlu a swyddogion Asiantaeth yr Amgylchedd yn bresennol.

Llwyddodd y gyrrwr i ddianc yn ddianaf.

Bu'r ffordd rhwng Afon Wysg a Ffordd Nash ynghau wrth i'r gwaith clirio barhau ond cafodd ei hailagor yn ddiweddarach brynhawn dydd Llun.

Yn y cyfamser, mae Gwasanaeth Tân ac Achub De Cymru wedi cychwyn ar y gwaith o glirio'r olew oddi ar y ffordd.

Maen nhw'n defnyddio offer arbennig i sicrhau nad yw'r olew yn mynd i ddraeniau a chyrsiau dŵr.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.