Beiciwr modur 17 oed wedi marw

Ystafell reoli
Image caption Bu'n rhaid cau'r ffordd am oriau

Cyhoeddodd Heddlu Dyfed Powys fod beiciwr modur 17 mlwydd oed wedi marw oherwydd gwrthdrawiad gyda fan yn Sir Benfro ddydd Sadwrn.

Roedd y ddamwain ar hen Heol Penfro rhwng Burton a Hwlffordd.

Cafodd y beiciwr modur anafiadau difrifol iawn a bu farw yn y fan a'r lle.

Bu'n rhaid cau'r ffordd am oriau tra bod yr heddlu'n ymchwilio i achos y gwrthdrawiad.

Dylai unrhywun â gwybodaeth ffonio'r Uned Plismona Ffyrdd Hwlffordd ar 01267 222020 neu 101 cyn gynted â phosib.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.