Y Seintiau Newydd allan o Gynghrair Pencampwyr Ewrop

Y Seintiau Newydd Image copyright Huw Evans picture agency
Image caption Y Seintiau Newydd yn dathlu eu buddugoliaeth yng Nghwpan Cymru eleni

Helsingborg 3-0 Y Seintiau Newydd

Chwalwyd gobeithion Pencampwyr Uwchgynghrair Cymru o barhau yng Nghynghrair Y Pencampwyr wedi iddynt golli oddi cartref yn erbyn pencampwyr Sweden nos Fercher.

Bu cymal cyntaf y gêm ail rownd ragbrofol rhwng Y Seintiau Newydd a Helsingborg yn ddi-sgôr yn Neuadd y Parc yr wythnos diwethaf.

Teithiodd y Seintiau i Sweden ar gyfer yr ail gymal â'r gêm yn dal yn fyw.

Sgoriodd Walid Atta gôl gyntaf Helsingborg ar ôl wyth munud pan rwydodd gyda'i bên yn dilyn cic gornel.

Cyfleodd euraid

Dyblodd Thomas Sørum y fantais i'r tîm cartref wedi 19 munud yn dilyn amddiffyn gwael gan y Seintiau Newydd.

Ond ymatebodd Y Sentiau'n gryf ac fe fethodd Greg Draper â dau gyfle euraid cyn diwedd yr hanner cyntaf.

Seliodd Alvaro y fuddugoliaeth i Helsingborg wedi 89 munud.

Y Seintiau Newydd oedd cynrychiolwyr olaf Cymru yn Ewrop eleni wedi i Lanelli, Bangor a Derwyddon Cefn golli yn rowndiau rhagbrofol Cynghrair Europa yr wythnos diwethaf.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.