Ffermwyr yn gohirio protest

Ffermwyr yn protestio y tu allan i archfarchnad Morrisons ddydd Llun Image copyright NFU Cymru
Image caption Bu ffermwyr yn protestio y tu allan i arfarchnad Morrisons yn Y Trallwng yn gynharach yn y mis

Mae ffermwyr Cymru wedi penderfynu gohirio'u protest am brisiau llaeth dros gyfnod y Gemau Olympaidd.

Yn dilyn cyfarfod ym marchnad y Trallwng fore Llun, cyhoeddodd y ffermwyr nad ydyn nhw am elyniaethu'r cyhoedd a cholli eu cefnogaeth i'w hachos.

Yn dilyn protestiadau yn ddiweddar mae rhai cwmnïau wedi gwneud tro pedol ar gynlluniau i dalu llai am laeth gan y ffermwyr, ond fe ddywed amaethwyr bod angen ateb mwy hirdymor i'r sefyllfa.

Wrth ymateb i'r cyhoeddiad, dywedodd llefarydd ar ran undeb NFU Cymru:

"Mae'r Gemau Olympaidd yn ddigwyddiad chwaraeon anferth ac yn rhywbeth y dylai Prydain fod yn falch ohono.

"Nid yw NFU Cymru am gefnogi mewn unrhyw ffordd unrhyw weithredu allai amharu ar y digwyddiad hanesyddol yma."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.