Ymosodiad: Cyhuddo dyn o geisio lladd

Heddlu yn Ffordd Dulyn, Llandudno
Image caption Cafodd yr heddlu eu galw i'r cyfeiriad amser cinio ddydd Llun

Mae'r heddlu wedi cyhoeddi bod dyn 66 wedo cael ei gyhuddo o geisio llofruddio dau berson mewn ymosodiad yn Llandudno.

Cafodd y dyn lleol ei arestio ddydd Llun ar amheuaeth o geisio llofruddio wedi dau ymosodiad o drywanu honedig yn Llandudno.

Dywedodd Heddlu Gogledd Cymru bod dyn a dynes, y credir eu bod yn eu 60au, bellach mewn cyflwr sefydlog yn yr ysbyty.

Cafodd heddlu arfog eu galw i dŷ yn Ffordd Dulyn o Landudno ddydd Llun am 12pm.

Mae'r heddlu yn apelio ar unrhyw un oedd yn dyst i'r digwyddiad neu all eu cynorthwyo i gysylltu gyda nhw ar 101 neu yn ddienw drwy Taclo'r Tacle ar 0800 555 111.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.