Sir Nottingham yn cynnig am James Harris

James Harris Image copyright PA

Mae Sir Nottingham wedi cadarnhau eu bod wedi gwneud cynnig am fowliwr Morgannwg, James Harris.

Mae'r chwaraewr 22 oed o dan gytundeb gyda Morgannwg tan 2013, ond mae cymal o fewn y cytundeb yn caniatáu iddo adael y clwb pe na bai nhw'n chwarae yn y prif gynghrair.

Dywedodd hyfforddwr Sir Nottinghams, Mick Newell, eu bod wedi gwneud cynnig i ddenu Harris i Trent Bridge y tymor nesaf.

"Roeddwn yn ymwybodol pe na bai Morgannwg yn llwyddo i sicrhau dyrchafiad yna byddai'r chwaraewr â'r cyfle i chwilio am glwb gwahanol.

"Mae Morgannwg hefyd am gael ateb fel eu bod nhw'n gallu cynllunio i'r dyfodol."

Yn ddiweddar dywedodd Harris ei bod yn bosib y bydd yn rhaid iddo adael Morgannwg er mwyn sicrhau llwyddiant rhyngwladol

"O bosib rhywbryd bydd yn rhaid i mi wneud dewis anodd. Bydd yn rhaid penderfynu beth yw'r opsiwn gorau, ond yma mae fy nghalon a byddwn wrth fy modd yn gweld Morgannwg yn cael llwyddiant."

Straeon perthnasol

Hefyd ar y BBC

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.