Buddugoliaeth i Wrecsam yn eu gweld yn codi yn y tabl

Clwb Pêl-droed Wrecsam Image copyright Other
Image caption Daw'r fuddugoliaeth yn erbyn Hyde ddyddiau ar ôl iddyn nhw guro Casnewydd

Wrecsam 2-0 Hyde

Goliau gan Glen Little a Jay Harris roddodd fuddugoliaeth i Wrecsam yn erbyn yr ymwelwyr Hyde.

Mae'r fuddugoliaeth yn gweld tîm Andy Morrell yn codi dau safle i'r pumed yn nhabl Uwchgynghrair y Blue Square.

Dyma eu trydedd fuddugoliaeth yn olynol a'r ail gartref, wedi iddyn nhw guro Casnewydd ar y Cae Ras ddydd Sadwrn o 2-0.

Llwyddodd Little gyda chic o'r smotyn wedi 78 munud i roi'r Dreigiau ar y blaen ar ôl i Alex Brown droseddu yn erbyn Dean Keates.

Fe wnaeth Wrecsam sicrhau'r fuddugoliaeth gydag ail gôl yn y 90 munud.

Llwyddodd Martin Riley i ganfod Harris oedd yn rhydd yn y cwrt cosbi.

Cic gyda'i droed chwith i waelod y rhwyd oedd hi.

Fe orffennodd yr ymwelwyr gyda 10 dyn ar y cae ar ôl i'r chwaraewr canol cae, Liam Tomsett, gael ei anfon oddi ar y cae ar ôl ail gerdyn melyn.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1.Forrest Green 7 9 17
2. Luton 7 8 16
3. CASNEWYDD 7 6 15
4. Macclesfield 7 4 15
5.WRECSAM 7 5 14

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.