Cwest yn clywed am eirlithriad

Y Garn, Snowdonia Image copyright BBC news grab
Image caption Digwyddodd y ddamwain ar fynydd Y Garn ym mis Rhagfyr

Clywodd cwest bod mynyddwr profiadol wedi cael ei sgubo i'r farwolaeth gan eirlithriad yn Eryri.

Fe gamodd Dr Martin Coleman, 36 oed o Fodffari yn Sir Ddinbych, ar gordo eira ar fynydd y Garn yn y Glyderau. Diflanodd o dan ei bwysau mewn tywydd garw.

Clywodd y cwest yng Nghaernarfon bod menyw ifanc hefyd wedi disgyn drwy'r eira, ond ei bod wedi cael ei hachub gan fwyell eira yn y digwyddiad ym mis Rhagfyr y llynedd.

Cofnodwyd rheithfarn o farwolaeth trwy ddamwain yn achos Dr Coleman.

Dywedodd y crwner Dewi Pritchard-Jones bod Dr Coleman yn fynyddwr profiadol, a bod ganddo'r offer priodol, ond ei fod wedi disgyn o uchder sylweddol a tharo'i ben gan achosi marwolaeth yn syth.

Dywedodd aelod o Dîm Achub Mynydd Dyffryn Ogwen y dylid canmol tywysydd oedd hefyd ar y mynydd am beryglu ei fywyd drwy ddod i lawr y mynydd wrth ceisio cyrraedd Dr Coleman.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.