Person wedi ei arestio ar ôl tân mewn tŷ yn Yr Wyddgrug

Mae person wedi cael ei arestio ar ôl tân amheus mewn tŷ yn Yr Wyddgrug.

Toc cyn 3am ddydd Gwener cafodd y gwasanaethau brys eu galw i'r tŷ yn Beech Drive.

Does 'na ddim adroddiadau am unrhyw anafiadau.

Fe gafodd drws blaen y tŷ ei ddifrodi yn ogystal â'r cyntedd a'r carpedi.

Mae achos y tân yn destun ymchwiliad.

Cafodd criwiau tân o'r Wyddgrug a Bwcle eu galw i'r cyfeiriad.

Ond roedd y fflamau wedi eu diffodd erbyn iddyn nhw gyrraedd.

Mae Heddlu Gogledd Cymru wedi cadarnhau bod ymchwiliad yn cael ei gynnal.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.