Tocynnau teithio'r henoed yn costio £427m

Yr henoed
Image caption Dywedodd gweinidogion fod £213m wedi ei neilltuo ar gyfer y cynllun tan 2014.

Mae ystadegau Llywodraeth Cymru'n dangos bod tocynnau teithio am ddim i'r henoed wedi costio £427m ers 10 mlynedd.

Dywedodd gweinidogion fod £213m wedi ei neilltuo ar gyfer y cynllun tan 2014.

Mae'r cynllun, sy'n cynnwys pobl anabl o unrhyw oedran, yn golygu bod 600,000 yn teithio ar fysus lleol.

Dywedodd y Ceidwadwyr Cymreig y dylai gynnwys cyn aelodau'r lluoedd arfog.

Yn ystod y flwyddyn gynta' y gost oedd £17.7m.

Y flwyddyn honno ymatebodd y gweithiwr cwmni bysus, John Richards, 75 oed o'r Hen Golwyn, i her y gweinidog, Alun Pugh.

Fe deithiodd o'r gogledd i'r de mewn dau ddiwrnod.

Yr un daith

Ddydd Llun mae'n defnyddio ei docyn teithio ar hyd yr un daith - a'i gydymaith yw'r cyflwynydd teledu, Iolo Williams.

Dywedodd ei fod yn hoff o deithio ar y bws.

"Dwi ar y bws gydol y dydd ac mae hyn yn arbed costau cynhesu'r tŷ," meddai.

Roedd y bws Rhif 12 yn Hen Golwyn, meddai, yn arfer teithio bob awr ond oherwydd galw defnyddwyr y tocynnau teithio mae'n teithio bob chwarter awr.

"Os ydyn nhw'n dileu'r cynllun, mi fyddai'n ddinistriol ... mi fyddai llawer o hen bobl yn aros yn eu tai."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.