Canolfan newydd i'r henoed

Cartre Argel, Tre Ioan Image copyright bbc
Image caption Bydd cartre Argel yn cael ei ddymchwel

Mae cynghorwyr yn Sir Gaerfyrddin wedi cymeradwyo cynlluniau i godi canolfan gofal newydd.

Bydd y ganolfan yn cael ei adeiladu ar safle cartref presennol Cartref Preswyl Argel yng Nghaerfyrddin.

Fel rhan o'r cynlluniau bydd cartref Argel, a chartref gofal arall, Tawelan, yn cael eu dymchwel.

Bydd £3.5 miliwn yn cael ei wario ar y ganolfan newydd fydd yn cynnwys 50 o unedau un neu ddwy ystafell.

Bydd y safle newydd hefyd yn cynnwys 12 uned benodol ar gyfer cleifion dementia, a chanolfan ddydd gyda lle ar gyfer 25.

Ar un adeg roedd pryder lleol yng Nghaerfyrddin na fyddai'r cyngor yn codi canolfan newydd.

Dywedodd llefarydd ar ran y cyngor y byddai yna drefniadau dros dro i gartrefu preswylwyr tra bod y cartrefi yn cael eu dymchwel.

Byddai hynny'n digwydd ar ôl cyfnod o ymgynghori.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.