Cystadleuaeth yn denu milloedd

Cystadleuwyr
Image caption Mae'r ras yn cynnwys nofio 2.6 milltir

Bu nifer o ffyrdd ar gau yn ardal Dinbych y Pysgod yn sir Benfro ar gyfer cystadleuaeth triathlon arbennig.

Yn ôl y trefnwyr roedd disgwyl hyd at 10,000 i wylio cystadleuaeth Ironman dydd Sul.

Hwn yw ail dro i'r gystadleuaeth gael ei chynnal yng Nghymru.

Bydd yn rhaid i'r athletwyr nofio 2.4 milltir, seiclo 112 o filltiroedd ac yna rhedeg 26.2 milltir.

Dechreuodd y ras am 7am ar draeth y gogledd yn Ninbych-y-Pysgod.

Bydd y ras yn amharu ar nifer o wasanaethau bysiau lleol gan gynnwys y gwasanaeth 381 rhwng Hwlffordd i Arberth.

Ni fydd y gwasanaeth yn mynd i Ddinbych-y-Pysgod fel mae'n arfer gwneud.

Dywed y cyngor sir eu bod yn hyderus na fydd yr achlysur yn effeithio ar draffig sy'n teithio ar yr A40 a'r A477.

Yn y cyfamser mae disgwyl i 600 o athletwyr gymryd rhan mewn ras triathlon yn Llanddwyn Ynys Môn, hefyd ar ddydd Sul.

Bydd y ffordd o sgwâr Niwbwrch i Goedwig Niwbwrch ar gau rhwng 9am a 2.30pm.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.