Archfarchnad yn Ystalyfera'n creu 200 o swyddi

Asda
Image caption Bydd yr archfarchnad ar hen safle ffatri Dewhirst

Mae disgwyl i archfarchnad Asda, sy'n agor ym mis Tachwedd, greu hyd at 200 o swyddi newydd.

Bydd yr archfarchnad ar hen safle ffatri Dewhirst yn Ystalyfera yng Nghwm Tawe.

"Hwn fydd y buddsoddiad mwya' yn yr ardal ers i'r ffatri gau fwy na 10 mlynedd yn ôl," meddai llefarydd.

Bydd yr archfarchnad yn 3,000 o fetrau sgwâr.

Dywedodd y cynghorydd sir, Alun Llewelyn: "Mae hwn yn fuddsoddiad mawr ac mae croeso mawr iddo fe.

"Rydyn ni'n sôn am hyd at 200 o swyddi ac mae gwir eu hangen nhw mewn ardal fel hon.

"Hyd yn hyn mae llawer o ddiddordeb wedi bod yn y swyddi."

Yn wreiddiol, roedd un o weithfeydd haearn mwya'r byd ar y safle.

Straeon perthnasol