Crystal Palace 3-2 Caerdydd

Gunarsson Image copyright Huw Evans picture agency
Image caption Roedd Aaron Gunarsson wedi rhoi Caerdydd ar y blaen

Fe ddylai hon fod wedi bod yn fuddugoliaeth i Gaerdydd yn dilyn hanner cyntaf disglair.

Er mai Crystal Palace ddechreuodd orau, fe sgoriodd Aaron Gunarsson yn erbyn rhediad y chwarae wedi 14 munud i dawelu'r dorf ym Mharc Selhurst.

O fewn dau funud, roedd yr un yn ddwy. Don Cowie oedd yn y lle iawn i rwydo'r ail i Gaerdydd.

Dyna oedd y sgôr ar yr egwyl gyda thîm Malky Mackay yn edrych yn gyffyrddus.

Ond aeth Palace allan ar gyfer yr ail hanner yn benderynol o frwydr.

Pan gafodd y tîm cartref gic rydd y tu allan i gwrt cosbi Caerdydd, doedd yr ergyd ddim yn edrych yn beryglus, ond fe darodd Aaron Gunarsson y bêl gyda'i fraich i ildio cic o'r smotyn.

Glenn Murray gamodd ymlaen i sgorio o'r smotyn ar ôl 52 munud, ac roedd hanner awr anodd iawn yn wynebu Caerdydd.

Fe fyddai'n brynhawn llewyrchus iawn i Murray ac fe sgoriodd ei ail ddeng munud yn ddiweddarach gydag ergyd isel i ganol y gôl.

Aeth hi'n anoddach fyth pan ildiodd Caerdydd ail gic o'r smotyn, ond roedd yr ail yn ddadleuol.

Does dim amheuaeth bod y dacl yn anghyfreithlon gan Helguson, ond roedd amheuaeth os oedd y drosedd yn y cwrt cosbi.

Canlyniad y cyfan oedd cyfle arall o 12 llath i Murray, ac fe gurodd Marshall am yr eildro i roi Palace ar y blaen a sicrhau ei hat-tric yn y broses.

Er i Gaerdydd frwydro tan y diwedd, doedd dim yn tycio, ac fe gollodd y dinasyddion am yr eildro'r tymor hwn gan ddisgyn i chweched yn y tabl.

TABL Y BENCAMPWRIAETH
GEMAU GWAHANIAETH GOLIAU PWYNTIAU
1. Brighton 7 10 16
2. Blackburn 7 4 14
3. Blackpool 6 11 13
4. Hull City 6 6 13
5. Wolves 7 4 13
6. CAERDYDD 7 3 13

Straeon perthnasol