Buddugoliaeth i Wrecsam yn erbyn Barrow

Clwb Pêl-droed Wrecsam Image copyright Other

Wrecsam 3-0 Barrow

Llwyddodd Wrecsam i aros yn y trydydd safle yn Uwchgynghrair Blue Square yn dilyn buddugoliaeth gyfforddus ar y Cae Ras yn erbyn Barrow.

Mae'r Dreigiau hefyd yn agosáu at Gasnewydd, sydd ar y brig, gyda thri phwynt yn unig rhyngddyn nhw.

Jay Harris gafodd gôl agoriadol y Dreigiau wedi 18 munud, ergyd drawiadol o 35 llath.

Roedd Harris a Danny Wright yn agos at ddyblu'r fantais yn yr hanner cyntaf ac fe gafodd Adam Boyes gyfle gorau'r ymwelwyr cyn yr egwyl i sgorio.

Bu'n rhaid aros tan y 71 munud i weld yr ail gôl gan Andy Bishop cyn i Robert Ogleby selio'r fuddugoliaeth wedi 83 munud.

Bydd Wrecsam yn teithio i Nuneaton ddydd Sadwrn.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1.CASNEWYDD 11 12 25
2. Forest Green 11 10 24
3. WRECSAM 11 11 22
4. Luton 11 11 20
5. Grimsby 11 3 20

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.